მასწავლებლის ეროვნული ჯილდო 

დედამიწის დღე

მშვიდობა მსოფლიოს ბავშვებს!

არა ომს! მშვიდობა უკრაინას!

 

მნიშვნელოვანია

მოსწავლე - სასწავლო პროცესის სუბიექტი

("მე ვაკეთებ და ვიმახსოვრებ")

მასწავლებლის ათი მცნება

 გაბრიელა მისტრალი

1. გიყვარდეს მთელი გულითა და სულით. თუ სიყვარული არ შეგიძლია, ნუ ასწავლი ბავშვებს.

2. ასწავლე სადად, უბრალოდ, ისე, რომ მთავარი არ გაგეფანტოს.

3. გაიმეორე, როგორც ბუნება იმეორებს, ვიდრე არ მიაღწევს სრულყოფილებას.

4. ასწავლე ისე, რომ გახსოვდეს მშვენიერება, რადგან იგი დედაა ყოველივესი.

5. იყავი გულანთებული, ლამპრები რომ აანთო, ცეცხლი უნდა გქონდეს გულში.

6. სული შთაბერე გაკვეთილს, ყოველ გაკვეთილს სული უნდა ედგას ცოცხალი არსებასავით.

7. იზრუნე შენი სულის ამაღლებაზე, - რომ გასცე, უნდა გქონდეს.

8. გახსოვდეს, შენი პროფესია ხელობა კი არა, ღვთისმსახურებაა.

9. ყოველდღე, გაკვეთილის დაწყებამდე, საკუთარ სულში ჩაიხედე, წმინდა თუ გაქვს გული.

10. იფიქრე იმაზე, რომ ღმერთმა შენ დაგაკისრა ხვალინდელი დღის შექმნა.

(თარგმნა მანანა გიგინეიშვილმა)

მარინე კვარაცხელია - აკადემიკოს ეგნატე ფიფიას სახელობის წალენჯიხის მუნიციპალიტეტის ჩქვალერის თემის საჯარო სკოლის ქართული ენისა და ლიტერატურის მენტორი მასწავლებელი

ბლოგის შინაარსი და მიზანი

   

რისთვის შევქმენი ბლოგი? ვთვლი, რომ გამოცდილების გაზიარება აუცილებელია. ჩემი ბლოგის მიზანიც ესაა - საკუთარი პედაგოგიური პრაქტიკის გაზიარება კოლეგებისათვის. ბლოგზე წარმოდგენილია ჩატარებული გაკვეთილების, განხორციელებული კვლევებისა და პროექტების ამსახველი მასალა: გეგმები, რეფლექსიები და ფოტოები. 

ბლოგზე იხილავთ ჩემ მიერ შექმნილ კომპლექსურ დავალებებს, რესურსებს, პრეზენტაციებს.   

ერთი სიტყვით, ბლოგი ჩემი პედაგოგიური ცხოვრების ყუველდღიურობას ასახავს. ბლოგზე მუშაობა გარკვეულ დროს მოითხოვს. 

 ამჟამად ბლოგი განახლების რეჟიმშია და ვცდილობ, ბოლო წლების განმავლობაში დაგროვილი გამოცდილება ერთ სივრცეში მოვაქციო. 
  

მთავარი

უკვე მრავალი წელია, ატარებენ კვლევებს მასწავლებლის პროფესიული მახასიათებლების დასადგენად. სვამენ კითხვას: როგორი უნდა იყოს თანამედროვე მასწავლებელი? იცვლება დრო, შესაბამისად, იცვლება მოთხოვნები, მათ შორის მასწავლებლის მიმართაც. ვფიქრობ, ყველა დროში მასწავლებელი იმ ოთხ საიდუმლოს უნდა ფლობდეს, რომლებიც საუკეთესოდ ჩამოაყალიბა მწერალმა ნოდარ დუმბაძემ: „ უსაზღვროდ უყვარდეს ბავშვები, უყვარდეს საგანი, რომელსაც ასწავლის, ჰქონდეს უნარი, ეს სიყვარული სხვასაც შეჰყაროს, როგორც სენი უკურნებელი, ჰქონდეს მოთმინების დიდი უნარი და იყოს უაღრესად თანამედროვე.“ ეს უკანასკნელი მნიშვნელოვანი მახასიათებელია. თანამედროვე ეპოქა ახალ მოთხოვნებს უყენებს მასწავლებელს, მოდერნიზებული სკოლა ახალ გამოწვევებს სთავაზობს. მან უნდა მიიღოს ეს გამოწვევა. ჩემი აზრით, სწორედ ესაა სწორი მიდგომა. პედაგოგი მუდმივად უნდა სწავლობდეს, ვითარდებოდეს, იმაღლებდეს კვალიფიკაციას, იკვლევდეს საკუთარ პრაქტიკას, ეძებდეს პრობლემებს და ცდილობდეს მათს გადაჭრას.  სწავლა და სწავლება ერთნაირად მსიამოვნებს.

ჩემი პედაგოგიური კრედო:

„ ვინც სწავლებას ბედავს, არასდროს უნდა შეწყვიტოს სწავლა“ /ჯონ კოტონ დანა/

ჩემი მისია:

·         თითოეული მოსწავლის შესაძლებლობების განსაზღვრა და მათი მაქსიმალური რეალიზების უზრუნველყოფა;

·         მოსწავლეთათვის ხარისხიანი განათლების მიცემა;

ფიქრისა და აზროვნებისაკენ მიმართული, ცოდნასა და უნარ-ჩვევების განვითარებაზე ორიენტირებული, მრავალფეროვანი აქტივობით დატვირთული, საინტერესო და ცოცხალი გაკვეთილების მომზადება და ჩატარება;

·         უწყვეტი პროფესიული განვითარება.

სამართლიანობა, კომუნიკაბელურობა, მოტივირებულობა, შემოქმედებითობა, კოლეგიალურობა, მიზანდასახულობა, პასუხისმგებლობა, პუნქტუალურობა - ეს თვისებები და საგნის ცოდნა და პროფესიული უნარ-ჩვევები ძალიან მეხმარება საქმიანობაში. როგორც პედაგოგს, უამრავი მიღწევა მქონია, მაგრამ ჩემთვის უმთავრესი ჯილდო ჩემი მოსწავლეების სიყვარულია. ჩემი პროფესიული არჩევანი ბავშვებისა და ქართული ენის სიყვარულმა განაპირობა. ვფიქრობ, ჩემი ადგილი სკოლაშია და არსად - სხვაგან.